-|[ جـنــحــآن عـصــفـورة ]|-

بسم الله الرحمن الرحيم

السلام عليكم ورحمة الله اهل غرام الأوفياء

واهديكم بعض الأبيات المتواضعه اقبلوها بود



اليوم حزني رميته من على صدري

واعيش كني على جنحان عصفوره

ياوقت قيدتني واتعبت لي عمري

تفضح خفايا شعوري مثل بلوره

كبيت لكن اقوم وينعدل ضهري

ومسحت صفحات ماضي ضاعت سطوره

انا انا ماتغير لو قسى دهري

بي عيب ان الغدر ماغصت ببحوره

عودي انا صلب يصعب يازمن كسري

ابني حروفي واهد حروف مجروره

اخايل نجوم ليل ٍ بالسما تسري

احكي لها قصتي وتعود مقهوره

الدرس ابتعلمه من قصة الغدري

يكفيني ادفع ضرايب حزن مجبوره

وزلة قدم حافري بلقى لها عذري

بقول يمكن رماها الريح معذوره

لاتلومني يازمن ان طحت بالأسري

عذرا مشاعر بنور الشمس مبهوره

لعبتها صح ياوقتي وانا مدري

لكن على مين تلعب طاحت الصوره